Teknologia gero eta barneratuago dago gizartean, baita hezkuntzan ere, izan ere, ohikoa bilakatu da gure egunerokotasunean aplikazio informatikoak erabiltzea, baina baita gailu digitalak erabiltzea ere (ordenagailuak, mugikorrak, tabletak…). Hori dela eta, konpetentzia digitalak lantzea eta garatzea funtsezkoa da egungo eta etorkizuneko gizartean behar bezala jarduteko, teknologia munduaren ikuspegi kritikoa eta holistikoa jorratuz.
Adin txikikoek zein helduek, ikasleek zein irakasleek, seme-alabek zein gurasoek teknologia bere osotasunean ulertu behar dute eta harenganako pentsamendu kritikoa garatu, hori baita xede dugun mundu teknologikoan garapen egokia lortzeko bide bakarra.
Gure asmoa, bizi garen garairako beharrezkoak diren ezagutza eta trebetasun teknologikoak lantzea eta garatzea da. Horregatik, uste dugu ekintza-plan egoki bat pertsonak adin goiztiarrean heztea dela. Beraz, orokorrean, 10 eta 18 urte bitarteko gazteei zuzentzen gara eta, horretarako, ikastetxe eta ikastolekin egiten dugu lan askotan, LH, DBH eta Batxilergoko ikasleak teknologia arloan heziz.
Era berean, badakigu prestakuntza hau ere oso garrantzitsua dela helduentzat, denok erabiltzen baititugu teknologia berriak gure egunerokotasunean. Hori horrela izanik, 18 urtetik gorako helduekin ere lan egiten dugu, gurasoekin edota irakasleekin besteak beste. Modu honetan hauek, aldi berean, haien seme-alabak edo ikasleak teknologian hezten jarrai dezakete.
Horrela, gure zerbitzua hauei bideratzen zaie:
Arlo teknologiko eta digitalarekin erlazionatutako gaiak lantzen ditugu, beti ere ikuspegi kritikoa oinarri hartuta. Uste dugu garrantzitsua dela baliabide teknologikoek nola funtzionatzen duten eta hauen atzean zer dagoen ezagutaraztea, eskura ditugun baliabide teknologiko desberdinak erakustea, eskaintzen dituzten aukera eta arriskuen berri ematea edo arlo teknologiko eta digitaletan jendartea ahalduntzea, besteak beste.
Gai hauen inguruko formakuntzari erreparatzen badiogu, ia gehienetan irakaskuntza instrumentalera mugatzen da, hau da, baliabide teknologiko jakin batek nola funtzionatzen duen erakustera bideratzen da formakuntza. Gure kasuan, arlo hauen inguruko gogeta landu nahi dugu, hezkuntza teknologikoa lantzeko oinarrizko euskarri bezala.
Horretarako, ondorengo zerbitzuak eskaintzen ditugu:
Ikasturtean zehar lantzeko ikastaroak edota tailer moduan antolatutako moduloak
Teknologia digitalaren hausnarketa kolektiboak lantzeko saioak
Digitalki lantzeko unitateak
Guk teknologia berrien eta Interneteri buruzko ezagutza zabaltzen dugu pentsamendu kritikoa eta hausnarketa bultzatuz gai hauen inguruan: korporazio teknologikoen interesak, alternatibak, arrisku eta aukerak, gailu digitalen inguruan egiten dugun erabilera,…